|
|
||||||
|
6.01.2006
- ( 13:41 ) Ásta
Veðraðir klettar logandi himinn Jón og Gísli --- Tveir rekaviðsdrumbar í djúpri gjótu á himni þrjár sprengistjörnur Læri, brjóst, bakhluti rakt, hart, stinnt Gísli, Jón, Fúlhildur Öldur sleikja hellismynni fellur að og fjarar út hvikull máni sígur # 8.22.2003 - ( 12:01 ) Ásta Hækur eru sérstaklega hentugt form til að túlka hinar innstu dýpstu tilfinningar: Iðar blómahaf slitið upp með rótunum rósir rykfallnar Ólga í brjósti stungin í hjarta - slitin iðralaus engist Eitruð marglytta blóðþyrst flatlúsin sýgur einn John Jasinsky # 6.17.2003 - ( 16:39 ) Ásta Óður til Púrtvínsflöskunnar Eins og sumardagur opnast þú angan þín gefur fögur fyrirheit við fyrsta staup öðlast á lífið trú þau verða fleiri það ég veit. Heitur hlátur og tvírætt grín höftin gleymd í vímu veiga dumbrautt púrtvín í æðum hvín af gólfi með röri dreggjar teiga. Fyrir augum mér hringsólast allt gamanið kárnað, fjör fyrir bí niður á gólfið með flöskunni valt nú innyflum öllum í klósettið spý. Allri sannri sælu fylgir bölvuð kvöl eina ráðið er meira og meira öl. # 6.16.2003 - ( 13:48 ) Ásta Nú þegar nokkur fjarlægð hefur náðst við atburðinn treysti ég mér til að birta þau ljóð sem spruttu upp úr sársaukafyllstu reynslu lífs míns. En öll góð list ku spretta af þjáningum. Hérna er það fyrsta sem ég skrifaði: Óður til míns heitthataða Hreinleiki sálar þinnar jafnast aðeina á við svikin loforð þín blíðleiki brossins bjarta jafnast aðeins á kæfandi faðminn fúla snerting handa þinna jafnast aðeins á við spörk frá fótum þínum sætir kossar þínir jafnast aðeins á við hvassa tungu þína en sem ástin mín eina ertu ekki lengur. Helvítið þitt. # 4.28.2003 - ( 12:10 ) Ásta Skemmtistaðurinn 22 er ótæmandi uppspretta yrkisefnis: Fallegri hljóma heyrði fyrr flutta á 22 Kamarinn þar er aldrei kyrr kúnstugur þessi heimur Dísir þreyta djöfladans daðra við sinn granna sveitt ég hopp' í Óla Skans karlaflóru skanna Tjútta alveg trítilóð tryllt í dansins funa æsi marga menn og fljóð magnast upp hver stuna Mánaskinið mjúkt og hlýtt mýkir alla lundu Betra er þó búsið títt bruggað fyrir stundu Á barnum finn ég bestu skinn bjóða þeir mér veigar mæna svo á barminn minn en sprundið mjöðinn teygar Vodka, snafs og viskílús vankað hefur sprundið þó syngur hátt og drekkur dús djammið hefur fundið! # - ( 12:08 ) Ásta Því miður kom virðist sem aðeins eitt ljóð hafi lifað hagyrðingakvöldið góða af en það kemur ekki að sök því það segir allt sem segja þarf: Stjáni er asni og Steini er drjóli Völu ég sýni enga mildi Binna og Dóra ég hrindi af hjóli Allir kjósi Fúlhildi! # 4.15.2003 - ( 15:04 ) Ásta Kjósið Fúlhildi - krossið við M! Mannréttindi!! Manngildi!! Munúð!!
Kvótakerfið er mér kært kenjótt sem það er ég frelsa það þá verður fært að færa mér og þér jafnan aðgang hér Aukinn þorsk ég þrái nú þjóðarinnar eign við afnám kvóta kætist jú klístruð eru teikn en afurðin er feikn Hógvær heimta ESB hlakk' að vera memm býð öllum upp á KFC sem álpast nið'r á Hlemm og x-a svo við M Vöðvar, brjóst og vítamín án virðisaukaskatts blessuð fæðast börnin þín bón skyndikynnahatts og myndast svo af Mats Skattalækkun víst ég vil vel þá fer um þjóð minnka verður menntabil ef meira fyrir fljóð þá stækka mun ég sjóð Stjórnarsamstarf stefni á samlífið er ljúft leiðtogahlutverk læt ei fá er lagar mig of djúpt og andlitið er hrjúft Símavændi stunda hýr syng um hjartans mál Framboðið í fremsta gír ég fræði Pétur og Pál með púrtvín vel við skál # 4.14.2003 - ( 15:01 ) Ásta Ég samdi eitt yndislegt ljóð til viðbótar - að þessu sinni óð til míns heittelskaða: Hreinleiki sálar þinnar jafnast aðeins á við tærleika augna þinna blíðleiki brossins bjarta jafnast aðeins á við sefandi faðminn djúpa snerting handa þinna jafnast aðeins á við lipra tungu þína sætir kossar þínir jafnast aðeins á við seltu tára þinna en sem ástin mín eina ertu óviðjafnanlegur Þar sem hann John minn talar ekki mikla íslensku snaraði ég ljóðinu yfir á hans móðurmál: The purity of your soul compares only to the clearness of your eyes the tenderness of your bright smile compares only to the comfort of you deep bosom the touch of your hands compares only to the agility of your tounge the sweetness of your kisses compares only to the saltness of your tears but as my one true love you are uncomparable # |
|
|||||
